Болушлукъ артыкъ болмайды

Къабарты-Малкъарны Жамауат палатасы «Своих не бросаем» акцияны чеклеринде Украинада энчи аскер  операциягъа къатышхан аскерчилеге  гуманитар болушлукъ жыяды.

Анга бу тюрлю затла керекдиле: терлетмеген, сууукъ этмеген ич кийимле, майкала, футболкала, чындайла, гигиена бла байламлы абериле,  жукълаучу  машокла, сууукъ ётдюрмеген кюйюзчюкле, дарманла, жгутла, бинтле, къанны тохтатхан препаратла, пакетледе чай, кофе эм  конфетле.

Эсге сала айтсакъ, алгъаракълада КъМР-ни Жамауат палатасы  Пятигорск шахарда РФ-ни Миллет гвардиясыны экинчи клиника госпиталинда жатхан  жаралы аскерчилеге болушлукъ тапдыргъандыла.  Аны  чеклеринде 140 килограмм алма, 50 упаковка гара суу, бинтле, адамгъа биринчи керек затладан 36 коробка берилгенди. Аны  юсюнден толуракъ хапар сайтда барды:  http://old.opkbr.ru/index.php/2330-svoikh-ne-brosaem

Акциягъа къошумчулукъ этерге сюйгенле бу адрес бла келирге боллукъдула:  Нальчик шахар,  Ленин атлы проспект 57-чи номерли юй, 3 -чю къат. Аберилени алыу эрттенликде 9:00 ингирге  18.00 сагъатха дери барады. Алгъадан бу телефон номер бла сёлешсе игиди:  8(8662) 776993, 776762; WhatsApp эм Telegram бла кюрешгенлеге: 8 928 710-52-06. 

 Уллу кёллю болмагъанланы магъаналы ишге къошумчулукъ этерге чакъырабыз!