Къырал ахчаны къымгъанды

Экономика аманлыкълагъа къажау жумушланы бардыргъан кезиуде Россейни ФСБ-сыны Управлениясыны къуллукъчулары Терк районну  финансла жаны бла управлениясыны башчысыны алгъыннгы орунбасары А.Дуковну аманлыкъ ишлерине чек салгъандыла. Ол бюджетге 2 миллион сом къоранч салгъанды. Ачыкъланнганыча, ол къуллугъун кесине таплыкъгъа хайырланып, бюджет ахчаны банк карталарына ётдюргенди. Ала болжаллы халда «белгисиз файдала» бёлюмде сакъланнгандыла, деп билдиргендиле бизге УФСБ-ны пресс-службасындан.  

Нальчикни шахар сюдю терслеу материалланы тинтип, А.Дуков РФ-ни УК-сыны 159-чу статьясыны 3-чю эмда 4-чю кесеклерине  бузукълукъла этгенин тохташдыргъанды эмда аны   2 жылгъа бла 9 айгъа тутмакъда тутаргъа деп, аллай оноу чыгъаргъанды. 

 

Тикаланы Фатима хазырлагъанды.
Поделиться: