«Мени атам бла анам полицияда ишлейдиле»

КъМР-де «Мени атам бла анам полицияда ишлейдиле» деген битеуроссей конкурсда айырыу кесегинде хорлагъанланы атлары белигили болгъанды. Бу жыл конкурс МВД-ны системасында анда  следствияны бардыргъан органлагъа  60 жыл толгъанына аталып къуралгъанды.

Конкурсну комиссиясына республиканы хар районларындан 30-дан кёп иш ашырылгъанды.  Алагъа къарагъан жюрини къауумуна МВД-ны КъМР-де жамауат низамны сакълау жаны бла полицияны башчысыны орунбасары полицияны полковниги Роберт Керефов, МВД-ны КъМР-да Следствие управлениясыны бёлюмюню таматасыны орунбасары юстицияны подполковниги Инна Добагова, ведомствода жамауат советини башчысы Влад Васин эмда министерствону бёлюмлерини къуллукъчулары киргендиле.

Конкурс юч жыл сан къауумда бардырылгъанды: 6-8, 9-11, 12-14. Сабийле карындашла, фломастерле бла ата-аналарын суратлада ишлегендиле. Жюрини оноууна кёре эришиуню айырыу кезиуюнде Виктор Глок, Рамазан Гаунов эм Милана Абрегова хорлагъандыла. Аланы ишлери конкурсну финалына жиберилликдиле.

 

Холамханланы Алина.
Поделиться: