Социал сетьлени болушлукълары бла наркотиклени сатхандыла

Зольск районда жууукъдагъы тыш къыралланы инсанларына законсуз наркотиклени сатыу-алыу бла терсленнгенлери бла байламлы уголовный иш ачылгъанды, ол сюдге жиберилгенди.

МВД-ны Зольск районда бёлюмю Орта Азиядан эки эр кишини юслери бла  оператив ишлени бошагъанды. Ала социал сетьлени болушлукълары бла  наркотиклени эм уллу ёлчемледе законсуз сатыу-алыугъа къатышханлары белгили болгъанды. 

2022 жылны 24 июлюнда аманлыкъчыла тургъан «Хендай Солярис» машинаны «Малка» контроль-пропуск пунктда тохтатхандыла. Машинаны тинтиу ишлени кезиуюнде полициячыла бир вещество бла шеша тапхандыла. Аны ичинде  896 грамм «героин» болгъаны  да тохташдыргъанды.  

25 июльда тутулгъан эр кишилеге РФ-ни Уголовный кодексини 228.1 статьясына (наркотиклени уллу ёлчемледе законсуз сатыу) тийишлиликде уголовный иш ачылгъанды, деп билдиредиле МВД-ны регионда управлениясыны пресс-службасындан.

 

Холамханланы Алина.
Поделиться: