Юйюнде наркоманланы жыйып тургъанды

31 октября, 2022 - 16:47

Нальчикде наркоманланы жыйылыулу жерлери табылгъанды.

КъМР-де МВД-ны наркотиклеге къажау управлениясыны ишчилери  оператив-излеу ишлени кезиуюнде 56-жыллыкъ алгъада да сюд этилген нальчикчини тутхандыла. Ол кесини жашагъан жерин наркоманлагъа уулу веществоланы хайырланыргъа берип тургъанын тохташдыргъандыла, деп билдиредиле МВД-ны КъМР-де пресс-службасындан.

Полициячыла фатаргъа киргенлеринде, анда наркотиклени кёре тургъан адамланы тутхандыла. Анда ичинде наркотиклери да болгъан хайырланылгъан шприцле да табылгъандыла.

Фатарда болгъанланы медицина тинтиулеге ашыргъандыла, аланы барысында да къанларында наркотикле болгъаны ачыкъланнганды. Ала РФ-ни Административ бузукълукъланы юсюнден кодексини 6.9 статьясыны 1-чи кесегине тийишлиликде (Врачны буйругъу болмагъанлай наркотиклени эм психотропный веществоланы неда къоркъуулу жангы психоактивный веществоланы хайырланыу) административ жууаплылыкъгъа тартылгъандыла.

Юйню иесине уа Россейни МВД-ны КъМР-де управлениясы Уголовный кодексни 232-чи статьясы бла терслеу иш ачылгъанды.   

 

Хуламханланы Алина.
  • 8 просмотров
Поделиться: