Федерал излеуде болгъан табылгъанды

Нальчикни полициячылары Чегем районда жашагъан тиширыуну тутхандыла. 

МВД-ны КъМР-де управлениясыны уголовный излеу къуллукъчулары оператив-излеу ишлени кезиуюнде  федерал излеуде болгъан 38-жыллыкъ шалушкачы тиширыуну тутхандыла.

Ол 2021 жылны апрель айында социал сетьлени биринде аны 41-жыллыкъ бир элли тиширыуну сыйына эм намысына заран келтирген информацияны бла суратланы басмалагъан эди.  Аны бла байламлы право низам сакълаучу органлагъа 41-жыллыкъ тиширыудан заявление келгенди. Аны бла да чекленмей, къаугъаны кезиуюнде 2021 жылны август айында аланы араларында тюйюш болгъанды. 38-жыллыкъ тиширыу аны тюйюп, саулугъуна хата тюшюргенди.

Бу ишни юсю бла 2021 жылда 10 декабрьде МВД-ны Нальчик шахардагъы управлениясыны 1 бёлюмюнде  аманлыкъчылыкъны юсю бла терслеу иш тохташдырылгъанды. Ол РФ-ни УК-ны 128.1 эм 112 статьялары бла («Ётюрюк» эм «Адамны саулугъуна иш этип заран салыу») тийишлиликде ачылгъанды.

 Оператив ишлени кезиуюнде аманлыкъчы право низам сакълау органладан кёп заманны бугъуп тургъанды. Аны бла байламлы тиширыу федерал розыскга берилген эди.

Шёндю анга Нальчикни шахар сюдю юйюнден тышына чыгъаргъа эркинлик бермеген оноу этгенди, деп билдиредиле КъМР-де Ич ишле министерствону пресс-службасындан.