Башкъортостанны Башчысыны саугъалырына тутушхандыла

Уфада Рима Баталовнаны атын жюрютген спорт арада грек-рим тутушуудан Башкъортостан Республиканы Башчысыны саугъаларына Россейни кубогу болгъанды, ол энчи эм командалы эсепледе бардырылгъанды.

Эришиуге къыралны 34 регионундан 200-ге жууукъ гёжеф къатышхандыла. Бизни республикадан анда 14 спортчу тутушхандыла. Эсеплеге кёре, кесини ауурлукъ къауумунда «алтынны» Виталий Кабалоев (55 кг) къытханды. «Кюмюшле» бла Анзор Карагулов (60 кг) бла Марат Кампаров (130 кг) къайтхандыла. Ючюнчю жерлеге Къудайланы Алим (82 кг), Альберт Хоконов (55 кг) бла Осман Шадов (130 кг) чыкъгъандыла.

 

Кульчаланы Зульфия.
Поделиться: