Спортчуларыбызда – беш майдал

Самарада дзюдодан «Трудовые резервы» обществону саугъаларына тёрели битеуроссей эришиу къуралгъанды. Майдалла эм Россейни биринчилигине къатышыргъа эркинлик ючюн анда 16 региондан 21 жыллары толмагъан 100 юниор тутушхандыла.

Эсеплеге кёре, Къабарты-Малкъарны жыйымдыкъ командасы беш майдал къытханды. Биринчи жерге Артём Геворкян (100 кг) чыкъгъанды, Уянланы Магомет (81 кг) экинчи болгъанды. «Доммакъла» бла Алимбек Шадов (55 кг), Рустам Макоев (81 кг), Залим Балкизов (+100 кг) къайтхандыла.

Алай бла къыралны биринчилигине Артём Геворкян атланырыкъды. Ол а быйыл ноябрьни ахырында Красноярскда боллукъду.

 

Кульчаланы Зульфия.
Поделиться: