Боюнлугъун сатама деп, ахчасындан къуру къалгъанды2022 жылны 22 октябринде КъМР-де МВД-ны «Прохладна» бёлюмюне 20-жыллыкъ жаш келгенди. Ол боюнлугъун интернетде сатыугъа салгъанын, алыучу да табылгъанын айтханды. Болсада ол алыучу угъай, хыйлачы эди. Ол боюнлукъну сатып алама деп, жашны бир сайтха кийирип, банк картасыны номерлерин жаздыргъанды, алай бла 21350 сомун къымгъанды. Аманлыкъчыгъа Россейни Уголовный кодексини 159-чу (хыйлачылыкъ) статьясы бла терслеу иш ачылгъанды, деп билдиредиле КъМР-де МВД-ны пресс-службасындан. Бусагъатда аны къайдагъысын тохташдырыр ючюн оператив-излеу ишле бардырыладыла. Быллай хыйлалыкъла кёбейгенлери бла байламлы полициячыла адамланы интернетде сатыу-алыу этгенде сакъ болургъа чакъырадыла. Аманлыкъчылагъа алдатханла уа мычымай тийишли органлагъа билдирирге кереклисин эсгертедиле.
Поделиться:
Читать также:
17.04.2024 - 10:44 →
Следовательге улутха берирге умут этгеннге сюд этилликди
16.04.2024 - 12:43 →
Тутмакъда жыйырма жылгъа дери тутулургъа боллукъду
02.04.2024 - 15:20 →
Болумну оноучула бла сюзгенди, учреждениялада да болгъанды
22.03.2024 - 14:58 →
Кийимлеринде уа – уу
14.03.2024 - 10:01 →
Жутлукъ
|