Токъсан жылында Россейни инсанлыгъын алгъанды

Урван районнга Запорожье областьдан кёчген тиширыугъа Россей Федерацияны паспортун бергендиле.

«Паспортну юйге тапдырыу» акцияны чегинде МВД-ны Урванда бёлюмюню башчысыны къуллугъун болжаллы халда толтургъан ич службаны полковниги Анзор Альборов бла бёлюмде къуллукъ этгенле Валентина Иосифовнагъа паспортун Нарткъалада жашагъан жерине келтиргендиле. Быйыл тиширыугъа 90 жыл толгъанды.  Кесини да къыяулугъу барды.

Валентина Иосифовна Плипенко къонакълагъа анга къайгъыргъанлары, болушханлары ючюн жюрек ыразылыгъын билдиргенди. 

Акциягъа къатышханла, тишырыуну къыралны эм магъаналы документин алгъаны бла алгъышлап, саулукъ эм тирилик тежеп, саугъагъа гюлле, къыралны Конституциясыны китапчыгъын да бергендиле. Валентина Иосифовна уа Россейни чыныны  инсаны боллугъуна ант этгенди, деп билдиредиле КъМР-де МВД-ны пресс-службасындан.

Баллиланы Алина.
Поделиться: