Фермалагъа - къошакъ халда электрокюч

«Россети Шимал Кавказ» компания быйыл тогъуз айны ичинде Къабарты-Малкъарда агропромышленность комплексге кирген 50 объектни электрокюч сетьлеге къошханды. Аланы барына да 4,5 мегаватт бергенди. Мюлклени санында Жемталадан, Герпегежден, Тёбен Курпдан эмда Урупдан эт эмда сют чыгъарыу бла кюрешген беш ферма да барды. Саулай айтханда уа, компанияны бизни республикада бёлюмюню - «Каббалкэнергону» специалистлери кёп къалмай 1,7 минг жангы объектни ток бла жалчытып башлагъандыла. Аланы барына да 29 мегаватт электрокюч бёлгендиле.