Созайланы Сафар – къаялагъа ёрлеуде биринчи

Кисловодск шахарда къаялагъа ёрлеуден юниорланы араларында СКФО-ну чемпионаты къуралгъанды.  Анга округну регионларындан 10-15-жыллыкъ  спортчуладан 50-ге жууугъу  къатышхандыла.

Эришиуле бийиклиги 18 метрге жетген, кеси да  округда жангыз  болгъан  скалодромда бардырылгъандыла. Анда 14-15-жыллыкъ жашланы араларында алтын майдалны бизни республикадан Созайланы Сафар къытханды. Битеукомандалы  эсепде бизникиле ючюнчю жерге чыкъгъандыла, биринчини – Ставрополь крайны, экинчини уа Шимал Осетия-Аланияны къауумлары алгъандыла, деп билдиредиле республиканы Курортла эм туризм министерствосундан.

Кульчаланы Зульфия.
Поделиться: