ДНР-ни Ара банкындан ахчаланы чыгъарыргъа оноу этилгенди

Донецк Халкъ Республикада этилген оноугъа кёре, аны Ара банкыны бёлюмлеринден ахчаланы чыгъарыргъа керекдиле. Аллай документге республиканы оноучусу Денис Пушилин къол салгъанды деп, украинлы асламлы информация органла эм телеграм-каналла  жалгъан хапарланы жайгъандыла. Бу билдириуню войнасфейками.рф телеграм-канал басмалагъанды.

Айтылгъан хапар толусунлай ётюрюкдю. Ол документге эслеп къарасанг, анда халатла кёрюнюп турадыла. Сёз ючюн, «Донецкой» деген сёзню орунуна «Донекцой» деп жазылып турады. Сора да закон бёлюмлеге бёлюнеди,  анда ахчаланы банкдан чыгъарыуну юсюнден бир сёз да жокъду.

Андан сора да, ДНР-ни Ара банкы ол билдириу жалгъан хапарды деп официал халда айтханды. «Билдиребиз, бу хапар толусунлай ётюрюкдю эм  ахчала банкдан бир заманда да чыгъарылмагъандыла. ДНР-ни Ара банкы тохташдырылгъан мардалагъа кёре ишлейди», - деп айтылады билдириуде.

 Арт кезиуде асламлы информация органлада эм социал сетьледе жайылгъан жалгъан хапарланы эсге алсакъ, украинлы пропагандистле информация жаны бла къадалып уллу иш бардыргъанлары кёрюнюп турады. Мындан арысында ётюрюк хапарала андан да кёп болургъа боллукъдула. Ол себепден басмаланнган билдириулеге эслеп къараргъа эм тынгылы анализ этип, эсге алай алыргъа керекди.

 Бизни корр.