Псковда мектеплеге миналаны салгъандыла

Псковда бла Великие Луки шахарлада орналгъан битеу школлагъа миналаны салгъандыла. Бу билдириу регион асламлы информация органлада жайылгъанды, деп билдиргенди войнасфейками.рф телеграм-канал.

 Псковда бла Псков областьны тийрелеринде мектеплеге бомбаланы салгъандыла деген ётюрюк хапарла МЧС-ни пультуна тюнене окъуна келип башлагъандыла. Энчи алып айтханда, 8 сентябрьде право сакълаучу органлагъа Псковда орналгъан тогъуз мекямгъа салыннган миналаны юсюнден жалгъан хапарла келип башлагъандыла. Аланы санына шахар школла, «ПИК 60» сатыу-алыу комплекс, Б. Браун атлы диализ ара, «Акваполис» сатыу-алыу этген ара киредиле. Битеу билдириуле ётюрюк хапарла болгъандыла. Псков областьда аллай жалгъан хапарланы (бомбаланы салгъандыла деп) терк-терк жайгъанлай турадыла.

 Аллай билдириуле бла Томск областьда бардырыллыкъ айырыулада къол кётюрюрге чырмау этерге кюрешгендиле. Башда сагъынылгъаныча, хапарланы асламысында шахарны кюнюн белгилегенде, айырыула эм байрамла бардырылгъан кюнледе жайылгъанлары «тёрели болгъандыла».

Андан сора да телеграм-каналгъа жазылгъанланы айтханларына кёре, мектеплеге бомбала салгъандыла деп жалгъан билдириуле Рязаньда эм башха регионлада да болгъандыла.

 Школлада минала салгъандыла деген ётюрюк хапарла Ярославль шахаргъа дери да жетгендиле. Аллай жалгъан билдириуню хатасындан ючюнчю школда окъугъанланы мекямдан тышына чыгъаргъандыла.

 Бизни корр.

Поделиться: