Жашау журтла бла болумну игидендирир ююнч

Россельхозбанк эл жерледе жашау журтла бла болумну  игилендирирге жылгъа 3,25 процент ставка бла ёнкючге заявкаланы жангыртханды. Программа Эл мюлк министерстводан субсидия бёлюннгенден сора ишлеп башлагъанды. Аны юсюнден бизге финанс учрежденияны пресс-службасындан билдиргендиле.  

Льготалы ёнкючню  элде жашагъан  23-65- жыллыкъ инсанла алыргъа боллукъдула. Ол  жашау журтларын игилендирирге 30 мингден 250 минг согъа дери бериледи.  Аны алты айдан башлап,   эм кёпге   беш  жылгъа  алыргъа жарайды. Кредитни ток, сууу, газ оборудованияны тартыргъа неда ремонт этерге хайырланыргъа жарайды. Келишиуге кёре, ишлени  подряд организация бардырыргъа керекди.

- Къыралны къошумчулугъу бла  берилген льготалы ёнкюч эл жерледе жашагъанлагъа жашау журтларын игидендирирге ахшы онг тапдырчады.

 Аны кёпле хайырланнганлары ючюн, жыл сайын продуктха сурам ёсгенлей барады,- дейди РСХБ-ны розница бизнес жаны бла департаментини таматасы Оьга Шведова.

Сагъынылгъан ёнкючден тышында, «Эл жерлени комплекс халда айнытыу» прогрммагъа кёре, юч процент  льготалы ставка бла ипотека да бериледи. Анга хазыр юй сатып алыргъа неда къурулушун башларгъа жарайды.  

РСХБ-ны продуктларыны  юсюнден толу хапарны  банкны сайтында, мобиль приложениясында эм контакт-арагъа  бу телефон номерге сёлешип билирге боллукъду:  8-800-100-0-100.