ВСУ россейлилени чачдыргъанлары ётюрюкдю

ВСУ Антоновский кёпюрню ётюп баргъан россейли аскерчилени атдыргъандыла деген ётюрюк хапарны Украинаны асламлы информация органлары эм Ич ишле министерствону кенгешчиси Антон Геращенко кенг жайгъандыла, деп билдиреди Войнасфейками.рф деген  телеграмм-канал.

Ол кезиуде кёпюрню алгъыннгы тап халгъа келтириу бла байламлы къурулуш ишле бардырыла тура эдиле. Аны юсюнде россейли аскерчиле бла техника жокъ эди. Алай жолчуладан 16 адам жаралы болгъандыла эм экиси уа ёлгендиле. Дагъыда, андан узакъ болмай, мамыр халкъны ташыгъан паром озуп бара эди. Андагъыладан да жаралы болгъанла бардыла. Алай бла украинлы аскерле кезиулю кере кеслерини халкъларын атдыргъандыла.

Бюгюнлюкде кёпюрню юсю бла машинала жюрюйдюле. Ол тийреде жашагъанла алдыргъан видеола анга шагъатдыла. Кёпюр бла бу кюнледе Херсон облатьда жашагъанлагъа жандауурлукъ болушлукъ да жиберилгенди.  Алай бла украинлы пропагандистлени ётюрюк хапарлары кезиулю кере ачыкъланнгандыла.