Нальчикде – баскетболдан жангы майдан

Нальчикде 2-чи Тамань дивизияны орамында жангы спорт объект – баскетбол ойнарча зал боллукъду.

Бусагъатда анда чыракъла, топ атарча орунланы орната турадыла. Залны тёгереги сетка панель бла бегитилликди, аны монтажы башланнганды. Майдан эки кесекге юлешинирикди, аладан бирине асфальт салынырыкъды, экинчисине уа - энчи акрил. Анда дагъыда жарау этерча жер да боллукъду,  турникле бла брусьяла  орнатыллыкъдыла. Биринчи сынау оюнла сентябрьде бардырыллыкъдыла.

 

Кульчаланы Зульфия.
Поделиться: