Суу кётюрюледи деген къоркъуудан къутулгъандыла

Бизни республикада гидроэлектростанцияла черекледе суу кётюрюлген кезиуде ишлерин чырмаусуз бошагъандыла. Черек эм Бахсан суула, башха жылла бла тенглешдиргенде, артыгъы бла толу болмагъандыла, ол себепден станцияла да тап халда ишлеп тургъандыла, деп билдиргендиле компанияны КъМР-де бёлюмюню пресс-службасындан.

«РусГидро» компанияны специалистлери Къашхатауда станцияны баш жанында суу жыйылыучу жерни юзмезден бла ташладан тазалагъандыла. Объект кеси да тап халда ишлейди. Энди уа станцияланы барын да къышха хазырлап башлагъандыла. Ол кезиуде суу да азыракъ болуучуду.