Россейли аскерчиле общежитияны атдыргъандыла

Россейли аскерчиле Харьков шахарда орналгъан пенсионерле, сабийле эм сакъатла жашагъан общежитиягъа от ачхандыла. Аны хатасындан жаралы болгъанла да бардыла деп жазадыла украинлы асламлы информация органла. Бу билдириуню войнасфейками.рф телеграм-канал этгенди.

 Украинлы асламлы информация органла айтханларына кёре, Россейни Хауа космос кючлери общежитиягъа угъай, «Жележнодорожник» маданият юйге самолётладан от ачхандыла.

 Башда сагъынылгъан сайтны келечилери ол мекямны суратларын тапхандыла эм украинлыла жайгъан жалгъан хапаралада болгъан суратла бла тенглешдиргендиле. Аны юсюнден артда украинлы асламлы информация органла да жазгъандыла. Маданият юйню боевикле бла тыш къыралладан ахчагъа уруш этерге келгенле кеслерини жумушларына деп хайырланып тургъандыла, ол санда сауутланы да сакълагъандыла. Анга шагъатлыкъгъа алыннган суратла бла видеола да бардыла. 

Суратлада «команда Сирко» деген жазыуу бла фургон ачыкъ кёрюнеди. Интернетде сурат барды, ол автомашинаны къатында украинлы боевикле къолларында сауутлары бла айланып тургъанларын. Россей Федерацияны Къоруулау министерствосу билдиргеннге кёре, Харьковда Украинада уруш этерге деп келген тыш къыраллыла (наёмникле) болжал халда тургъан юйню атдыргъандыла. Аны кезиуюнде тохсандан аслам боевик ёлгенди.

Украинлы асламлы информация органла россейли аскер биягъы мамыр адамалагъа эм инсан объектлеге от ачханды деп терслерге кюрешедиле.   

Войнасфейками.рф телеграм-канал ётюрюк хапарла къалай жайылгъанларыны юсюнден хар затны айырып, тынгылы жазады. Сёз ючюн, Винницада Офицерлени юйлеринде концертле бардырыучу жерни къалай атдыргъанларыны юсюнден, анда украинлы аскер штаб орналып тургъанды, не да Краматорскда школгъа къаллай сауутла бла ургъанларын, анда да «Черная сотня» деген украинлы миллет аскер тургъанды, Одесса да «къурулуш материалла» жыйылгъан склад атылгъанда, кертиси уа анда сауутла букъдурулуп тургъандыла.  

 Бизни корр.

 

 

Поделиться: