Алчы жерде – «Нальчик»

Бахсанда регбиден тёрели эришиу бардырылгъанды, ол спортну бу тюрлюсюню ветераны Михаил Суановну хурметине аталгъанды. Эришиуню шахарны администрациясы, «регбиги Цюг» академиясы бла республикалы федерациясы къурагъандыла.

Жыйылгъанланы Бахсанны администрациясыны орунбасары Фатима Карданова, Ингушетияны регбиден федерациясыны президенти Ислам Циздоев, бла республикада федерацияны президенти руслан Сурженко алгъышлагъандыла. Эришиуге Къабарты-Малкъардан бла Ингушетиядан 5 къауум къатышхандыла, алагъа 60-дан аслам адам киргенди. Биринчи жерни «Нальчик» алгъанды, экинчиге - «Чегем», ючюнчюге уа - Зольский районну командалары чыкъгъандыла. Къонакъ команда – «Магас» тёртюнчю жерни алгъанды, бешинчиде уа «Нальчик – 2» къалгъанды. Хорлагъанлагъа бла призёрлагъа кубокла, майдалла эм башха саугъала берилгендиле.