Россей мариупольчу къачхынчыланы артха ашырады

Россей мариупольчу къачхынчыланы артха кёчюреди. Аны юсюнден Мариуполь шахарны администрациясыны башчысыны алгъыннгы кенгешчиси Петр Андрющенко айтханды деп, оппозициячы Любовь Соболь билдиргенди. Бу билдириу толусунлай жалгъан хапарды, аны войнасфейками.рф телеграм-канал жазады.

Ишни болушу уа былайды. Любовь Соболь сагъынылгъан хапарны жайгъынчы аны керти болгъанын билирге керек эди. Нек дегенде, Андрющенкону ётюрюк хапарын къатлап айтханды. Россейли власть органла «мариупольчу къачхынчыланы артха ашырмайдыла». Россей алагъа сюйсегиз бизни къыралда къалыгъыз, не да алгъын жашагъан жерлеригизге къайтыгъыз, дегенди.  

Сёз ючюн, 11 августда Псковдан поезд алтмыш адамы бла Мариупольгъа къайтханды. Ала кеслери ыразылыкълары бла юйлерине алай атланнгандыла. Аланы бир къаууму къагъытларын жарашдырыргъа кетгендиле, сора артха келликдиле.

Россейни МЧС-ни келечилери ДНР-ны МЧС-ны ишчилери бла къачхынчыла барлыкъ юйлени хар бирине да къарагъандыла. Къачхынчыла алгъын жашагъан жерлерине келселе регион правительстводан эм башха жууаплы службаладан тийшли болушлукъну да аллыкъдыла.

Белгилерчады, РФ-ни Правительствосу ДНР эм ЛНР республикаладан келген къачхынчылагъа битеу керекли болушлукъну этеди. Тийишли специалистле къачхынчылагъа документлерин  жарашдырыргъа болушадыла, усталыкъларына кёре иш излейдиле  эм жашаргъа жарарыкъ жерлерине къарайдыла.  Андан сора да медицина жаны бла болушлукъ керек болгъанлагъа себеплик этиледи, сабийлерин сабий садлагъа, мектеплеге, университетлеге бередиле.

Бизни корр.

Поделиться: