Херсон тийрелеринде россейли аскерчиле тутмакъгъа тюшгендиле

Херсон шахаргъа баргъан жерледе эки мингнге жууукъ россейли аскерчини украинлыла тёгереклеринден алып тутмакъ этгендиле деп, ётюрюк хапарланы Украинаны телеграм-каналлары билдиргендиле. Аны юсюнден войнасфейками.рф сайт жазады.

Россейли аскерчиле украинлыланы чабыууллукъ этгенлерини хатасындан «чоюннга тюшгендиле» деген билдириу толусунлай жалгъан хапарды. Бек алгъа Украинаны аскерини алгъа барып, уллу жетишим болдургъаныны юсюнден не сурат, не да видеогъа алыннган бир шарт жокъду. Информация жаны бла уруш баргъан кезиуде Украинаны жаны аскерчилерини юслеринден не тюрлю да болсун, тохтамагъанлай, ол санда жалгъан хапарланы телеграм-каналлада жазгъанлай турады.

Белгилерчады, украинлы каналланы бир къаууму башда сагъынылгъан билдириуню-россейли аскерчиле пленнге тюшгенлерини юсюнден, ол ётюрюкдю деп, жангыдан тюз хапар жазгъандыла. Алай, социал сетьледе алгъадан чыкъгъан билдириулени бир киши да кетермегенди, аны бла ол ишни юсюнден адамланы экили этгендиле.

Россейли официал билдириулеге кёре, украинлы аскерчиле кертиси бла да Высокополья деген элни къатында чабыууллукъ этгендиле. Ала техникасы болмагъан эки батальонну алгъа атхандыла. Ол кезиуде, украинлы аскерчилеге россейли аскер артиллерия бла от ачханыны себебинден, иги кесеги алайда жоюлгъанды.

Энчи аскер операция башланнганлы бери башда сагъынылгъанча, жалгъан хапарла социал сетьледе жайылгъанлай турадыла. Ол билдириуле бла халкъны ичинде къаугъа этерге эм Украинаны аскерини даражасын ёрге кётюрюрге кюрешедиле.

Кёп болмай украинлыла Херсонну россейли аскерчиледен эркин этерикбиз деп, тохтамагъанлай айтханлай тургъандыла. Аны бла байламлы мамыр адамлагъа юйлеригизден кетигиз, Украинаны жерине кёчюгюз деп билдиргендиле. Аллай жалгъан хапарланы Украинаны Сауутланнган кючлери бла оноучулары бир болуп жаядыла. 

Алгъын заманладача, быллай билдириуле бир тюрлю бир шартла бла белгиленмейдиле.