Даражалы турнирде – «доммакъ»

Калининград шахарда тхэквондодан Россейни биринчилиги бардырылгъанды. Анда къыралыбызны 57 регионундан 12-14-жыллары толгъан мингнге жууукъ спортчу кеслерин сынагъандыла.
Тренер жашыбыз Тикаланы Идрисни сохтасы Элина Тхамокова ауурлукълары  29 килограммгъа жетгенлени араларында жетишимли болгъанды. Къаты кюрешде хорлап, финалгъа чыкъгъанды эм «алтынны» ычхындырмазгъа кюрешгенди. 

Бу жетишими Элинагъа август айда Болгарияда бардырыллыкъ дунияны биринчилигине къатышыр онг береди.

– Жарсыугъа, биз анга къатышаллыкъ болмакъ. Кесигиз билгенден, россейли командаланы тюрлю-тюрлю эришиуледен кетерип турадыла бюгюнлюкде, – деп белгилегенди Идрис Ибрагимович.