Хорлагъанла Россейни биринчилигине къатышырыкъдыла

Республиканы Спорт министерствосу билдиргеннге кёре, бу кюнледе Севастополь шахарны дзюдо федерациясыны саугъалары ючюн битеуроссей эришиуле ётгендиле. Алагъа Россейден онсегиз жыллары толмагъан 195-ден аслам спортчу къатышханды. Къабарты Малкъардан а алтаулан болгъанды. Кеслерин сынагъандыла. Алай кеслерини ауурлукъ эм жыл сан къауумларында хорлагъанланы санына Байрамкъулланы Алим (50 кг.), Адам Озов (55 кг.), Айдамир Деров (73 кг.) къошулгъандыла. Абдуллаланы Салим (66 кг.) бла Руслан Беров (50 кг.) - экинчилени санында. «Доммакъны» уа Атабийланы Тамерлан (46 кг.) алгъанды.

Бу эришиулени эсеплерине кёре, биринчи жерге чыкъгъанла августда Россейни Саранск шахарда бырдырыллыкъ биринчилигине къатышырыкъдыла.

Додуланы Мадина.
Поделиться: