Огъары Малкъардан Аушигер башына дери

Озгъан  байрым  кюн Къашхатауда Маданият юйню аллында, Россейни кюнюне аталып, жыйылыу болгъан эди. Ол кюн асхут заманнга алайгъа кёп адам жыйылады. Районну оноучулары, эллени администрацияларыны башчылары, «Заман» газетни келечилери, элли адамла да бар эдиле.

Россейни кюнюне атап районну къауум келечиси, Россейни, Къабарты-Малкъарны байракъларын кётюрюп  Огъары Малкъардан Къашхатаугъа чабып келгендиле.

Маданият юйню аллында жашлагъа бет жарыкълы тюбегендиле, саугъала бергендиле. Черек районну админстрациясыны башчысы Къулбайланы Алан сёлешгенди. Чабып келген жашланы, алайгъа жыйылгъанланы Россейни кюню бла алгъышлагъанды. Андан сора ол жерли артистле жырлагъандыла

Андан сора жашла байракъланы кётюрюп Урвань район бла чекге чабып жетгендиле.

 

Османланы Хыйса.
Поделиться: