Эл амбулаториялагъа жангы улоула берилгенгдиле

«Саулукъ сакълау» миллет проектни «Саулукъ сакълауну биринчи звеносун игилендириу» регионал программасына тийишлиликде КъМР-ни Саулукъ сакълау министерствосу республиканы 7 районуну эллерини амбулаторияларына бла ФАП-ларына деп «Нива» эм «Гранта» маркалы оналты женгил халлы автомашина сатып алгъандыла.  Ол жумушлагъа федерал бюджетден 10,8 миллион сом бёлюннгенди. Аны юсюнден бизге КъМР-ни Саулукъ сакълау министерствосуну пресс-службасыны таматасы Алиса Тарим билдиргенди.

Машинала терк болушлукъ тапдырырча эм къарау бардырырча саусузланы юйлерине участкалы врачланы жетдирликдиле. Дагъыда улоула бла, медицина эм план къарауланы тамамларча, больницагъа салырча, ауругъанланы узакъдагъы эл амбулаторияладан бла ФАП-ладан район больницалагъа келтирликдиле.

Прохладна районну медицина махкемелерине 5 автомобиль алыннганды, Бахсан районнга – 4, Чегем эм Урван районлагъа – экишер, Лескен, Черек эм Элбрус районлагъа – биришер.

Битеу да бирге биринчи звенону игилендириуню чеклеринде КъМР-ни Саулукъ сакълау министерствосу терк медицина болушлукъ тапдырыу жумушлагъа себепликге деп 31 улоу жибергенди.