Камчаткадан келип да сынагъандыла кеслерин

Бу кюнледе Нальчик шахарда къатыш аскер тутушуудан - ММА-дан –юйрениу-жарау эришиуле ётгендиле. Ала 6-11 жыллары толгъан жаш спортчуланы араларында бардырылгъандыла. Турнирни баш мураты -физкультура эм спорт бла не къадар кёп адам къатылырча этиудю, къатыш аскер тутушууланы кенг жайыуду.

Ол кюн дагъыда онжети жыллары толмагъан жаш спортчуланы араларында ММА-дан ачыкъ турнир бардырылгъанды. Ол КъМР-ни жыйымдыкъ командасыны кенгертилген къауумун къурар мурат бла ётдюрюлгенди. Анда КъМР-ден, Адыгеядан, Краснодар эм Ставрополь крайладан, Камчаткадан да 150-ден аслам спортчу кеслерин сынагъандыла.

Онбир жыллары толмагъан сабийлени араларында онеки майдал комплект юлешиннгенди. 12-17 жыллары толгъан жаш спортчулагъа уа жыйырма бир майдал берилгенди. Аланы араларында Жантуудуланы Азаматда жарау этгенле да кеслерин сынагъандыла.

Алай бла Кючмезланы Айдар биричи жерни алгъанды. Гочаланы Кязим бла Тамирлан, Бёзюланы Алийхан, Гыллыланы Азрет - экинчилени санында. Мисирланы Алий, Шахмырзаланы Темерлан, Эндрейланы Ислам, Имран Мендикеев ючюнчю жерге тийишли болгъандыла.

 

Лайпанланы Мадина.
Поделиться: