Электрокюч компания бла арагъыз къысхаракъ болурча

«Россети Шимал Кавказ» компанияны Къабарты-Малкъарда бёлюмю – «Каббалкэнерго» телефон номеригизни неда электрон почтагъызны бизге жазып билдиригиз дейди электрокючню хайырланыучулагъа. Анда айтханларыча, алада быллай информация болса, керек заманында абонентге лицевой счётуну, борчларыны эмда башха жумушларыны юслеринден терк билдирликдиле. Бу информацияны ары берирча компанияны бёлюмлеринден бирине барып заявление жазаргъа керексиз.

Дагъыда эпидемиология болумну осаллыгъын эсге алып, компания ток ючюн тёлеуню интернет бла берирге чакъырады. Аны «Россети Шимал Кавказны» сайтында энчи кабинетге кирип (https://gp-lc.ru/) неда «Сбербанк Онлайн» приложенияда тамамларгъа боллукъду.

 

Улбашланы Мурат.
Поделиться: