Жолла тап эм къоркъуусуз болурча

Элбрусда «Къоркъуусуз эм качестволу жолла» миллет проектге кёре, подряд организация  Сога улу  бла Лесная орамлагъа тынгылы ремонт этип башлагъанды. 

 - Орамланы экиси да элге магъаналыдыла, мында амбулатория бла межгит орналгъанлары ючюн аслам адам келеди. Болсада алагъа тынгылы къаралмагъанлы он жылдан артыкъ болады. Ол себепден аланы игилендирирге кереклисин кёпле  тюбегенлеринде  сагъына тургъандыла.   Энди бу кемчиликни кетерирге онг табылгъаны бек къуундырады,- дейди Элбрус элни администрациясыны  башчысы  Жаппуланы Ислам. 

Ремонт ишлени  кезиуюнде жолла жангы мардалагъа келиширча этилликдиле,  мурдорларын кючлеп, кенгертип, тротуарла салып, ызы бла эки къат асфальт жаярыкъдыла. 

Объектле жайны ахырына битерге керекдиле. ⠀