Сенгирчге жайылмазча

Сенгирчге къысха заманда аслам жайылгъан, иги кесек жерни бийлеген эм сабанлыкъланы да ашап, жокъ этерге жетдирген,  заранлы къумурсхаладан бирине саналады.   Ол себепден  ала тирилгинчи окъуна   сабанлагъа   заманында комплексли халда   тийишли препаратла  чачдырыргъа керекди.

Быйыл Къабарты-Малкъарда  сенгричгелени къурутурча жумушлагъа  республикалы бюджетден 1,840 миллион сом бёлюнюрюкдю.  Аны хайыры  бла эки минг гектардан артыкъда  агрохимиялы ишле тамамланырыкъдыла.

Хаталы къурт-къумурсха кеч болгъунчу    жеринде къурутулса,   эл мюлкню  уллу къоранчладан  сакъларгъа боллукъду.

Бюгюнлюкде КъМР-де Россельхозцентрни келечилери муниципалитетледен коллегалары бла бирге эл мюлк жерледе болумгъа къарап, сенгирчгелени басыннган жерлерин тинте турадыла. 

 

 

Магометланы Сулейман.
Поделиться: