Турист бёлюмню айнытыугъа федерал ахчала бёлюнюрюкдюле

Россей Федерацияны Правительствосу кесини оноуу бла Къабарты-Малкъарда турист бёлюмню айнытыугъа 254, 5 миллион сом  бёлгенди.

Правительствону Председатели Михаил Мишустин къабыл этген тийишли буйрукъгъа кёре, регионлагъа бёлюнюрюк субсидияланы саны, юч миллиард бла жарым сомдан асламдыла.

 Сагъынылгъан ахчала  адамла солурча  жерле эм автокемпингле ишлерге, тенгизлени эм сууланы жагъаларын тапландырыргъа, жолочулагъа  болушлукъгъа деп автомобиль жоллада электрон амалланы орнатыргъа, адамла солуучу жерлени сакъатлагъа да тап болурча  амалла къураргъа, рекреация зоналаны  шёндюгюлю излемлеге кёре жарашдырыргъа, ол санда турист жаны бла проектлени «Туризм эм къонакъ алыуну индустриясы» миллет проектни чеклеринде объетлени грантланы хайырлана ишлерге бёлюнюрюкдюле, деп айтылады КъМР-ни Башчысыны бла Правительствосуну пресс-службасыны билдириуюнде.

Бизни корр.

 

 

Поделиться: