«Нальчик» спорт комплексде грепплингден эришиу къуралгъанды. Ол «Къабарты-Малкъарда терроризмни бла экстремизмни профилактикасын бардырыу» программаны чегинде «Спорт терроргъа къажауду» деген чакъырыу бла ётгенди.

Эришиуге 6-20-жыллыкъ 3 жюзден аслам адам къатышхандыла, ала 40 ауурлукъ къауумда тутушхандыла. Биринчи юч жерлеге чыкъгъанладан республиканы жыйымдыкъ командасы къуралгъанды, ала энди СКФО-ну биринчилигине барлыкъдыла.