Бирлешип мадар этергеАушигерде ГЭС-де от тюшюуге къажау юйретиуле бардырылгъандыла. Анга РусГидро компанияны специалистлери бла МЧС-ни келечилери къатышхандыла. Ала бирлешип, энергетика комплексде объектлени быллай хата-палахладан къоруулау амалланы сынап кёргендиле. Юйретиулени бу станцияда Т-1 трансформаторда ток чыбыкъла бир-бирлерине тийип, аны хатасындан ол терк окъуна къабыннганды деген сылтау бла башлагъандыла. Гидроагрегатлагъа къарагъан специалист аны эслеп, таматалагъа мычымай билдиргенди. Ол а от ёчюлтюучю къауумгъа сёлешгенди. Ала келгинчи уа, машинист бла бирге, ол трансформаторгъа эмда аны къатында тургъан аллай экинчисине ток бармазча этгенди. Ызы бла, от ёчюлтюучюле жетгенлей, алагъа ток урмазча къоруулаучу затла берип, жерине элтгендиле. Станцияда ол кюн таматалыкъ этген специалист алагъа болумну ангылатханды, ишлерин этерге эркинлик бергенди. Дагъыда ГЭС-де отоуладан бирин тютюн басып, анда эси азып тургъан ишчини тапхандыла. МЧС-ни келечилери аны тышына чыгъаргъандыла, медицина болушлукъ да бергендиле. Алай бла, бу станцияны ишчилери эмда от ёчюлтюучюлени къаууму быллай хата-палахлада терк келиширге, бирге мадар этерге юйреннгендиле. Аны себепли компанияда юйретиуле къыйматлы болгъанын белгилегендиле.
Поделиться:
Читать также:
18.04.2024 - 10:03 →
Ата журтха сюймекликни кючлей
18.04.2024 - 09:15 →
Газетибизни къадарына уллу кёллю болмайыкъ
17.04.2024 - 18:06 →
Мошенники звонят от имени Центробанка. Как их распознать?
15.04.2024 - 08:58 →
Жазылыу башланнганды, почтагъа барыргъа унутмагъыз!
15.04.2024 - 08:36 →
Бютюн зауукълу солурча
|