Нальчикни орамлары эм жаяу жоллары тапландырадыла

Къабарты-Малкъар Республиканы Башчысы Казбек Коков Нальчикде жамауат тийрелени эм жаяу жолланы тапландырыу ишлени бардырылыуларына къарагъанды. Ол жумушла КъМР-ни къуралыууну 100-жыллыгъын белгилеуге хазырланыуну чеклеринде тындырыладыла.

Аны юсюнден, ишчи жолоучулугъуну эсеплерине кёре, Казбек Коков кесини телеграм-каналында хапарлагъанды. «Ленин атлы проспектде тротуарланы жангы баш къатларын хазырлау эм салыу иш къыстау барады. Республиканы баш орамыны жаяу жолларыны тийрелеринде 45 минг квадрат метр чакълы бирде плитка салынырыкъды. Ремонт ишлени чеклеринде юч проспектде ол 73 минг квадрат метр чакълы бирде салынырыкъды.

Жарыкълыкъны жалчытыу амалла да тапландырыладыла, «Таза кёк» программа жаны бла да ишле тамамланадыла, аны чеклеринде белгиленнген орамлада ток эм башха жипле жер тюбюне кёчюрюллюкдюле. Шогенцуков атлы проспектде инженер коммуникацияла жаны бла жумушла ахырына жетдириле турадыла. Асфальтобетонну биринчи къатлары жайылгъандыла. Къулий улу атлы проспектде да суу баргъан быргъы ызланы алышындырыу ахырына жете келеди», – деп айтылады билдириуде.