Азатлыкъны келтиргенлеге – ёмюрлюк махтауКъабарты-Малкъарны Башчысы Казбек Коков 1941-1945 жыллада Уллу Ата журт урушда ёлген аскерчилени хурметлерине ишленнген «Махтаулукъну Ёмюрлюк оту» мемориалгъа гюлле салгъанды. Эсгериу иш бир минутну шош сюелиуден башланнганды. Къабарты-Малкъардан фронтха кетип, андан къайтмай къалгъан солдатланы бла офицерлени алларында баш урургъа Уллу Ата журт урушну ветеранлары, тылда уруннганла, Урушну, Урунууну, Сауутланнган кючлени эмда право низамны сакълаучу органланы ветеранларыны (пенсиячыларыны) Къабарты-Малкъар республикалы советини, Нальчик шахар советини къауумлары келген эдиле. Гюлле салыугъа КъМР-ни Парламентини Председатели Татьяна Егорова, КъМР-ни Правительствосуну Председатели Мусукланы Алий, РФ-ни Президентини СКФО-да толу эркинликли келечисини Аппаратыны КъМР-де федерал инспектору Тимур Макоев, аскер, право низамны сакълаучу ведомстволаны бла кюч структураланы башчылары, жамауат организацияланы келечилери къатышхандыла. Уллу Хорламны 77-жыллыгъына аталгъан къууанчлы ишле Къабарты-Малкъарны битеу шахарларында бла районларында бардырылгъандыла. Байрам тёрели салют бла бошалгъанды.
Поделиться:
Читать также:
19.04.2024 - 09:27 →
"Заманны" - хар таулу юйюрге
18.04.2024 - 10:03 →
Ата журтха сюймекликни кючлей
18.04.2024 - 09:15 →
Газетибизни къадарына уллу кёллю болмайыкъ
17.04.2024 - 18:06 →
Мошенники звонят от имени Центробанка. Как их распознать?
15.04.2024 - 08:58 →
Жазылыу башланнганды, почтагъа барыргъа унутмагъыз!
| ||
