Ёлген аскерчилени жууукъларына Кишиликни орденлери берилгендиле

КъМР-ни Башчысы Казбек Коков Къабарты-Малкъардан барып энчи аскер операцияны чегинде жан берген аскерчилени жууукъларына къырал саугъаланы бергенди.

Россей Федерацияны Президенти Владимир Путинни Указына кёре аскер борчларын кишиликлери, батырлыкълары эм жанларын-къанларын аямагъанлары ючюн ёлгенден сора Кишиликни орденлери берилгенди:

Биттирланы Абдулкеримни жашы Рамазан, тамата прапорщик;
Вайберт Андрей Владимирович, ефрейтор;
Жиляев Анзор Владимирович, ефрейтор;
Куашев Астемир Асланович, рядовой;
Кумышев Азамат Ахъедович, кичи сержант;
Кучменланы Ибрагимни жашы Таубий, сержант;
Назаров Александр Николаевич, кичи сержант;
Оразаев Мурат Ибрагимович, сержант;
Орехов Дмитрий Владимирович, подполковник;
Паунежев Альберт Мухамедович, прапорщик;
Паунежев Аслан Хасанович, капитан;
Пшихачев Раджа Мусаевич, тамата сержант;
Слонов Билял Эдуардович, прапорщик;
Шибзухов Амир Эльдарович, рядовой.

Ёлгенлени жууукъларына айланып Казбек Коков былай айтханды: «Сизге къайгъы сёз береме. Сизни жашларыгъыз, эрлеригиз, аталарыгъыз кеслерини къырал аскер борчларын сыйлары-намыслары бла толтургъандыла. Ала сыйлы жумуш толтургъандыла: келлик тёлюлеге – бизни сабийлерибизге, тийишли жашауну жалчытхандыла. Бу жашла бизни ата-бабаларыбыз къажау тургъан нацизм бла кюрешде жашауларын аямагъандыла. Сизни бла бирге жарсыйбыз. Аллыгъызда баш иебиз».