Къурулушну болжалын созгъаны ючюн жууапха тартылгъандыТашлы-Талада сабий садны къурулушун бардыргъан подряд организацияны башчысы жууапха тартылгъанды. Ол къабыл кёрюлген къырал келишимде белгиленнген болжалланы бузгъаны ючюн терсленеди. Бузукълукъну Лескен районну прокуратурасы «Тиширыуланы иш бла жалчытыу – юч жылгъа дери сабийлеге школгъа дери билим алырча амалла къурау» федерал программа къалай толтурулгъанын тинтген кезиуде ачыкълагъанды. Къурулушчу организацияны таматасына РФ-ни Административ бузукълукъланы кодексини 7.32-чи статьясыны 7-чи кесегине кёре терслеу материалла хазырланнгандыла. Анга 600 минг сом тазир салыннганды эмда бузукълукъну кетерирге кереклисини юсюнден эсгертиуле этилгендиле. Тинтиуле кёргюзтгенлерича, объектни къурулушу бошалгъанды.
Поделиться:
Читать также:
17.04.2024 - 10:44 →
Следовательге улутха берирге умут этгеннге сюд этилликди
16.04.2024 - 12:43 →
Тутмакъда жыйырма жылгъа дери тутулургъа боллукъду
02.04.2024 - 15:20 →
Болумну оноучула бла сюзгенди, учреждениялада да болгъанды
22.03.2024 - 14:58 →
Кийимлеринде уа – уу
14.03.2024 - 10:01 →
Жутлукъ
|