Суу бла жалчытыуда багъаланы юсюнден

«Суу бла жалчытыуну эмда кир сууланы кетериуню юсюнден» федерал законнга быйыл 28 январьда тюрлениуле кийирилгени себепли энди, суу бла жалчытыу эмда кир сууланы кетериу жумушланы багъаларын тохташдыргъанда, исси, сууукъ эмда техникалы сууланы иелерине жетдиргинчи неллай бири тас болуучусун кёргюзтген норматив хайырланыргъа керекди. Ол нормативлени тохташдырыу бла уа РФ-ни Къурулуш министерствосу кюреширге борчлуду.

Дагъыда РФ-ни Правительствосуну быйыл 25 январьда чыгъарылгъан 44 номерли бегиминде айтылгъаннга кёре, суу бла жалчытыу эмда кир сууланы кетериу жумушланы тарифлерин къыралны жанындан тюзетиуню низамы тохташдырылгъанды. Сёз ючюн, аланы багъаларын чыгъаргъанда, организацияны «сатыуда жумушлары» эмда «сатыуда къоранчлары» деген сёзле хайырланыладыла, экинчилерине не затланы санаргъа боллугъу да кёргюзтюледи, дегенди КъМР-ни прокуроруну тамата болушлукъчусу Сотталаны Жанна.