Энтта къайтып келирге сёз бергендиле

Полицияны кадет классыны окъуучулары кинологлада къонакъда болгъандыла. Право низамны сакълаучула курсантлагъа ишлерини энчиликлерини юсюнден айтхандыла, ич ишле органлада къуллукъ этген итле аманлыкъланы тохтатыуда эмда бузукъчуланы ачыкълауда, жамауат къоркъуусузлукъну сакълауда, сауутланы, чачдырыучу затланы, наркотиклени излеуде  этген болушлукъну билдиргендиле.

 Итле аманлыкъчыны къалай тутханларын да кёргюзтгендиле жаш полициячылагъа. Курсантла итле буйрукъланы къалай низамлы толтургъанларына сейир этип къарагъандыла.  Конакъла ветеринар клиникада да болгъандыла.  

Кадетле полициячылагъа сейир тюбешиу ючюн ыразылыкъларын билдирип, къысха замандан энтта къонакъгъа келирге сюйгенлерин айтхандыла.

Тикаланы Фатима хазырлагъанды.

Прокуратура

 Мюлк Россейге къайтарылгъанды

Прохладный шахарны прокуратурасы Свидетели Иеговы дин биригиуню мюлкюн РФ-ни иелигине къайтаргъанды.

 Надзор ведомство экстремизмге къажау законла къалай толтурулгъанларын тинтген кезиуде Майскийде Свидетели Иеговы дин биригиу жандауурлукъ келишимлени чеклеринде Швецияда Свидетели Иеговы христиан конфессиягъа хакъсыз Прохладныйде  орналгъан жеринден тепдирилмеген объектлени саугъагъа бергенин ачыкълагъанды.

РФ-ни Баш сюдюню кючюне кирген оноууна тийишлиликде, белгиленнген организация эмда аны бёлюмлери экстремист къауумлагъа кийирилгендиле, аланы ишлерине чек салыннганды, мюлклери уа къыралны иелигине берилгенди.

  Тинтиуледен сора Прохладныйни прокурору сюдге жандауурлукъ келишим терс болгъаныны эмда аны Россей Федерацияны иелигине къайтарыргъа кереклисини юсюнден дау бергенди.

 Прохладнаны район сюдю Прохладныйде объектлени РФ-ни иелигине берирге деген оноуну чыгъаргъанды. Ол кючюне киргенди.