Сансыз ата-анала жуууапха тартыладыла

15 февраля, 2022 - 09:04

Полициячыла «Юй болум» деген акцияны юйюр халла бла байламлы аманлыкъланы тохтатыр, къыйын жашау болумгъа тюшген юйюрле бла ангылатыу ишни бардырыр мурат бла къурагъандыла. Аны кезиуюнде право низамны сакълаучула УФСИН-ни къуллукъчулары бла бирге сабийлерин юйретиу бла кюрешмеген, алагъа зорлукъ сынатхан, ичгенден аязмагъан ата-анала жууапха тартылып, эркин болгъан юйюрлени жокълагъандыла.

Тинтиулени кезиуюнде  сабийлерин юйретиу жаны бла борчларын толтурмагъанла ачыкъланнгандыла. Алагъа РФ-ни Административ бузукълукъланы кодексини 5.35-чи статьясыны 1-чи кесегине кёре административ материалла хазырланнгандыла.

Полициячыла ата-анала, сабийле бла да ангылатыу ушакъла бардыргъандыла, керек болгъанлагъа законланы ангылатхандыла.

Тинтиуле андан ары бардырыллыкъдыла.

 

 

 

Басмагъа Тикаланы Фатима хазырлагъанды.
  • 14 просмотров
Поделиться: