Низамлы болургъа сёз бергендиле

«Сабий-эм багъалы пассажир» профилактика жумушну чеклеринде Черек районну школларында окъугъанла эм сабий садлагъа жюрюген балачыкъла бла  жолда жюрюуню жорукъларын къайтаргъандыла.

Къыралавтоинспекторла алагъа полициячыланы ишлерини энчиликлерини юсюнден айтхандыла, жолда жаяу жюрюгенде сакъ болургъа, къоркъуусузлукъну жорукъларын унутмазгъа чакъыргъандыла, аланы бузгъанла къаллай жууаплылыкъгъа  тартылгъанларын да эсгертгендиле.

 Жашла бла къызла ушакъгъа тири къатышып, инспекторлагъа соруула бергендиле, жолда низамы болургъа сёз бергендиле.

 

Басмагъа Тикаланы Фатима хазырлагъанды.
Поделиться: