Къырал казнагъа къоранч 50 миллионнга жетгенди

РФ-ни СК-сыны КъМР-де следствие управлениясыны энчи магъаналы бузукълукъланы тинтиу жаны бла бёлюмюню къуллукъчулары «Капитал-Инвест» компанияны баш бухгалтерине уголовный иш ачхандыла. Ол шартланы букъдуруп, налогланы тёлемегине ишеклик барды (РФ-ни УК-сыны 199-чу статьясыны 2-чи кесегини «б» пункту), деп билдиргендиле бизге ведомствону пресс-службасындан.

Следствие ачыкълагъаныча, фирманы баш бухгалтери 2017-2020 жыллада, казнагъа налогланы тёлерге жууаплы къуллукъда ишлей, обществону налог декларациясына жалгъан шартланы кийиргенди. Алай бла уа НДС тёленмей къалгъанды - 49 579 829, 01 сом.

Уголовный иш андан ары тинтиледи.