Медицинагъа – бийик технологиялы материалла

Кёп болмай Къабарты-Малкъар къырал университетде   «Приоритет 2030»  стратегиялы  программаны чеклеринде  тюбешиу ётгенди. Анда  илму-излем жаны бла проректор Светлана Хаширова,  КъМКъУ  аддатив  технологияла жаны бла алчыланы санында  болгъанын   билдире,  саулукъ сакълауда хайырланыргъа жарарыкъ бийик технологиялы  проектле бла шагъырей этгенди.   Анга алимле, врачла, медицина факультетни преподавательлери, стомотологла эм башхала да къатышхандыла.

 Светлана Юрьевна,   имплантатла бла  хирургия шаблонланы не жаны бла да качестволуларын  3D-принтер бла   жарашдырыргъа жарагъанын, ол амал  къысха заманда адамгъа болушлукъ тапдырыргъа онг бергенин да эсгертгенди.

Жыйлыуну ахырында арада байламлыкъ жюрютюлюрча амалланы сюзгендиле эм жууукъ заманда  медицинагъа жангы бийик технологияланы сингдирип башларгъа  келишгендиле.  
 

 

Магометланы Сулейман.
Поделиться: