Биринчи атламлары кёллендиргендиле

Теуаланы Амирхан эки жыл мындан алгъа  бокс бла кюрешип  башлагъанды.  Аны тренери Жанатайланы Русланды.  Ол къысха заманны ичинде рингде жыйырма алты сермеш бардыргъанды, аладан жыйырмасында алчы болгъанды. Амирхан  кёп битеуроссей турнирге къатышханды, анда да алчыланы санына киргенди.  2021 жылда уа Къабарты-Малкъарны  Биринчилигинде кюмюш алгъанды.Быйылны  биринчилигинде уа алтын майдалгъа тийишли болгъанды.

Школда да жаш кесин иги жаны бла кёргюзтеди, бешлеге окъуйду. Аны оюмуна кёре, бокс жашауну не жанында да бек керекли затды, ол адамны кёпге юйретеди.

Тренер бла спортчу кеслерине 2022 жылгъа быллай муратла саладыла – СКФО-ну Биринчилигинде хорлап, Россейни биринчилигине къатышыргъа эркинликни  алыргъа,  анда да, онг болса,  саугъалы  жерге чыгъаргъа.

 

 

Додуланы Мадина.
Поделиться: