«Эпидемиология болум тутхучлуду эмда контрольдады»КъМР-ни Башчысы Казбек Коков «Россия-24» каналны корреспондентини сорууларына жууапла бергенди эмда регионда шёндюгю эпидемиология болумну юсюнден билдиргенди. Госпитальлагъа тюшгенлени саныны юсюнден айта, ол быллай шартла келтиргенди: экспертлени тергеулерине кёре, Къабарты-Малкъарда коронавирусну жайылгъаны бла байламлы хал тутхучлуду. Бир суткагъа 80-нге жууукъ адам ауругъаны ачыкъланады. Госпитальлада 543 саусузгъа багъылады, саулай а 710 ундурукъ хазыр этилгенди. Аланы санын, керек болса, 1600-ге жетдирирге онг барды. «Эпидемиология болум контрольдады. Ахыр ыйыкъда госпитальлагъа тюшгенлени саны 10 адамгъа азайгъанды. Болсада жангы штаммны жайыла баргъаны бла байламлы кезиулю «толкъун» сакъланады, анга хазырланыу да къыстау барады», - дегенди республиканы оноучусу. Вакцинацияны юсюнден соруугъа жууап бере, Казбек Коков республикада 250 минг адам дарман салдыргъанын билдиргенди, коллектив иммунитетге жетер ючюн а энтта да 221 минг адам вакциянациядан ётерге кереклисин чертгенди. «Иги жанына тюрлениу барды, вакцинация пунктланы жокълагъанланы саны ёсгени эсленеди. Алай аны да азгъа санайбыз, регионда ангылатыу ишни тохтаусуз бардырабыз», -деп къошханды ол.
Поделиться:
Читать также:
19.04.2024 - 09:27 →
"Заманны" - хар таулу юйюрге
18.04.2024 - 10:03 →
Ата журтха сюймекликни кючлей
18.04.2024 - 09:15 →
Газетибизни къадарына уллу кёллю болмайыкъ
17.04.2024 - 18:06 →
Мошенники звонят от имени Центробанка. Как их распознать?
15.04.2024 - 08:58 →
Жазылыу башланнганды, почтагъа барыргъа унутмагъыз!
|