Таза суу бла жалчытыуну къайгъысын кёре

«Таза суу» деген проект бардырылып башланнган юч жылны ичинде Къабарты-Малкъарны Къурулуш эм жашау журт-коммунал мюлк министерствосу, республиканы муниципалитетлери бла бирге суу бла жалчытхан 51 объект ишлегендиле. Аны бла 21 мингден артыкъ адамны излемлерин толтургъандыла.

Эсге сала айтханда, 2019 жылда Белоглинское эм Дальнее элледе тийишли система ишленнгенди. Буруннгу жыл а 32 объект жангыртылгъанды. Ала барысы да онбир скважина эмда быргъы ызланы 72,89 километри боладыла. Былтыр а Кишпек, Кёнделен (2 объект), Къарагъач, Красносельское, Пролетарское, Урван, Лашкута, Баксанёнок (2 объект), Лячинкъая, Хушто-Сырт, Белокаменское, Огъары Куркужин (2 объект), Герпегеж эм Александровская элледе тийишли мадарла этилгендиле.