Жашау болумларын игилендирирге болушадыла

Къабарты-Малкъарда жашагъан 300 юйюрге Россельхозбанк жашау болумларын игилендирирге болушханады, деп билдиреди финанс учрежденияны республикада бёлюмюню пресс-службасы.

Озгъан жылда Къабарты-Малкъарда жашагъанла Россельхозбанкдан жашау болумларын игилендириге 600 миллион сомдан аслам 276 кредит алгъандыла.

Республикада жашагъанланы асламысы займланы  бир кере хайырланнган фатарланы сатып алыргъа къоратадыла.

«Ипотека кредитлени алыуну ёсюую асламысында ол жаны бла ишибизни игилендиргенибизни эм кенгертгенибизни хайырындан болгъанды. Жангы жылны аллында Къабарты-Малкъар филиалны ипотека портфели 1,85 миллиард сом болгъанды, ол кёрюмдю былтырны бу кезиую бла тенглешдиргенде 1,5 кереге кёпдю», - деп белгилегенди банкны республикада бёлюмюню таматасы Алим Сокуров.

Бизни корр.