Кёп сабийли юйюрлени жокълагъандыла

Прохладна районда «Боевое братство ветеранов» жамауат организацияны, районну прокуратурасыны бла ГИБДД-сыны болушлукълары бла жандауурлукъ иш болгъанды. Ол а «Полициячы Къар Аппа» битеуроссей акцияны чеклеринде бардырылгъанды.

Анга кёре кёп сабийли юйюрлени Прохладна районну баш автоинспектору полицияны майору Мурат Афаунов, Прохладный шахарны прокуроруну болушлукъчусу Елена Самохвалова, Прохладна районну прокуроруну болушлукъчусу Саида Афова, Россейни МФД-сыны «Прохладненский» бёлюмюнде жамауат советни келечиси Андрей Клюй, «Боевое братство ветеранов» жамауат организацияны келечиси Галина Сечёва, Прохладный шахарны жамауатыны келечилери Марина Мосиашвилли бла Вячеслав Марков жокълагъандыла.

Ала Къар Аппа эмда Буз Къыз бла бирге юйюрлени жашау болумларына къарагъандыла, не керек болгъанларын соргъандыла, сабийлеге уа саугъала бергендиле.

Поделиться: