Подстанцияланы жангыртыугъа энчи магъана бере

Хайырланыучуланы электрокюч бла ышаннгылы жалчытыугъа «Россети Шимал Кавказ» компанияда не заманда да уллу магъана бериледи. Бу ишни тынгылы тамамлар хыйсап бла энергетикле быллай инфраструктурагъа заманында къарайдыла, этилирге керек ремонтну да болжалына салмайдыла, деп белгилегендиле компанияны КъМР-де бёлюмюнде.

Алайды да, быйыл бу жаны бла аслам иш этилгенди. Озгъан онбир айны ичинде саулай СКФО-да 4,1 минг трансформатор подстанция жангыртылгъанды. Ол санда: Ставрополь крайда – 1,5 минг, Дагъыстанда – 1,2 минг, Чеченде – 769, Къарачай-Черкес республикада – 235, Къабарты-Малкъарда – 175, Шимал Осетияда – 120, Ингушетияда - 109.

Тийишли инфрастурктурада трансформатор подстанцияла электрокючню жибериу жаны бла бек магъаналыдыла. Ток бла жалчытыу ала къалай ишлегенлерине кёре болады. Аны себепли энергетикле быллай оборудованиягъа энчи эс бурадыла.