Къоркъуусузлукъну жалчытыргъа- бирча къайгъыра

Къабарты-Малкъарда «Къоркъуусуз республика» учреждение жамауатны ырахатлыгъын жалчытыр муратда шахар тийреде, жоллада эм башха жерледе да видеокамераланы санын кёбейтеди,  деп билдириледи КъМР-ни Транспорт эмда жол мюлк министерствосуну пресс-службасындан.

Бюгюнлюкде республикада  адамла аслам жюрюген жерледе 360 камера ишлейди. Ол санда транспорт инфраструктурада​ – 123-сю, социал магъаналы объектледе – 46-сы, жоллада  – 202-си, билим бериу учреждениялада – 123-сю эм административ мекямлада да 40-ы бардыла.

Быйыл къошакъ халда 127 камера салыннганды: адамла аслам хайырланнган объектледе - жыйырмасы эм транспорт инфраструктурада да - жюз бла жетиси. Алай бла онунчу ноябрьни эсеплерине кёре, регионда 986 энчи устройство ишлейди. Ала, кече-кюн демей, низам сакъланнганына къарай турадыла.

«Къоркъуусуз республика» учрежденияны баш борчларындан бири - республиканы адамларын эм къонакъларын да тюрлю-тюрлю хаталадан сакъларгъады. Ол тынгылы тамамланыр ючюн а ич ишлени органлары бла да байламлыкъ жюрютюледи.

Магометланы Сулейман.
Поделиться: